本帖最後由 戀上外星人 於 2012-2-22 05:47 編輯
知道dk大大看外星的事物經歷豐富,所以最近在香港的討論區看到這奇事想和你分享,
以下是轉載的... ...
大家好，首先，多謝大家入黎睇呢個貼，以下所講嘅絕對係事實，我知有人睇完會覺得我小題大做，亦有人會覺得係我自己諗多左或者係錯覺(因為我都有咁諗)，但係因為身邊已經唔止1個人睇到相同或類似的現象，好奇心驅使下，先出左呢個post，如有阻礙大家/浪費大家嘅時間，請見諒。p.s.當時人係我男朋友，唔係我，我只係轉述，請見諒。
事情一開始發生喺今個星期一(2012年1月9日)嘅夜晚，我同男朋友喺太古吉之島食完晚餐之後，行返位於太安樓對面(恆河咖哩屋旁)嘅屋企。
行行下我男朋友叫停我，同我講見到個月亮個邊有條紅線圍住，問我睇唔睇到，但係我睇個月亮只有1毫子咁大，就算真係有紅線我都冇可能睇到。
我就同我男朋友講，錯覺黎姐，一係就你眼花，之後大家都不以為然，繼續行
過左一陣，行到警署度，佢又叫停我，話﹕「唔係喎，我真係見到有條紅線，行近左睇得仲清楚左，原來條紅線唔係完全貼住月亮個邊架，係好似個月亮到有個紅色嘅六角形咁」，跟住我就講笑咁問佢係唔係好似血咁，佢仲話係...我就話佢好明顯一係個腦有問題，一係隻眼有問題，仲講笑咁話我老公今晚實俾外星人捉去做研究啦。之後就打打鬧鬧咁返左屋企。
之後第二日(1月10號星期二)特別咩事都都冇發生，我仲同我男友講，都話係你諗多左架啦，都冇野...
再之後到左琴日，我男友放假，我返左工，我男友仲瞓緊
到差唔多9點(a.m.)，我男友打俾我，話發左個好奇怪嘅夢(我男友好少發夢，我同佢一齊5年幾只係見佢發過3次)，好似同果晚個月亮有關，我就開始好奇，但係都係當有故仔聽，就叫佢講個內容俾我知。
(以下係個夢嘅內容，我會以我男友為第一人身寫...)
一開始，我係個竹林到行，行行下到左一個空地，離遠見到一男一女分別喺2個唔同嘅樹林行出黎
我地3個幾乎係同一時間行出黎嘅，我地冇講過野(或者係開唔到聲)，但係感覺到大家諗緊咩野，同感覺到大家都係現實嘅人，發埋同一個夢果種
空地對面係一間學校，好舊好偏僻果種
我地3個一齊入左間學校(另外個男仔行頭，個女仔行尾)，學校入面好熱鬧，有老師有學生
但係佢地好似睇唔到我地3個咁，我地一層層行，行到6樓天台嘅時候，見到有個類人型女性生物，短頭髮，面色倉白
個類人型嘅生物見到我地，轉頭對住地下操場講左句野(佢把聲好尖，講嘅唔係地球語言，但係我地知佢嘅意思係集合)，之後就見到班師生上曬天台
但係班人係好似冇意識咁，隻眼只係得返眼白，冇眼珠。
之後我地就開始俾佢地圍攻，而我地要做嘅野就係用一重類似結界嘅能力罩住佢地，等佢地回復正常(果陣有種感覺我地入去個夢就係為左救佢地)
追逐左一陣之後，個類人型生物見冇咩效果，對我地無可奈何就叫曬果班師生上天台跳樓，我地救返嘅唔夠10個，最後成個操場血肉模糊(起碼死左400人)
我地望返上天台，見到個類人型生物背後就係果晚個月亮，我地3個都打左個突，我就問你地睇咪都係之前見過，佢地話係，個女仔仲形容左出黎，簡直同我見到嘅係一模一樣(亦係因為呢段「對話」令我更加相信大家都係現實中嘅人)
喺呢個同時，個類人型生物同我地講左一句﹕今晚再見(當然係用果種不知名嘅語言啦)
之後就醒左啦。
件事去到呢度，我都冇咩特別諗法，只係諗，可能係日有所思夜有所夢姐，嘅然佢話今晚再見，咪睇下今晚係咪真係再見先再算啦
雖然好奇，亦有D希望真係有D奇怪嘅事發生(人生太悶嘛)，但實際上我唔係好想佢個夢真係繼續落去
我同佢就係咁抱住嘅想又唔想嘅心態到左琴晚瞓覺嘅時候
琴晚我一路諗住呢件事，瞓得唔好，係咁醒
其間見到我男友係咁震，係咁典黎典去，好似好辛苦咁，我咪攬住佢囉，佢突然之間醒左
但係望住我嘅眼神好似唔識我咁，同埋俾我種感覺係非常之兇狠(絕對唔係一般人岩岩瞓醒會有嘅眼神)，之後眨左幾下眼就變返岩岩瞓醒果種矇矓嘅眼神，講左句我又發XXX嘅夢啦(XXX我覺得係一個名詞，但係唔係好記得係咩，好似係芙X拉之類)之後就瞓返啦
我今朝再問佢有冇再發果D夢，佢就話今次夢入面佢地3個人分別喺3倨血紅色嘅缸入面，成個夢就好係喺個缸入面睇片咁
一幅幅唔知代表咩嘅圖係腦入面飛過，入面全部都係果種類人型生物嘅事，「人」食「人」，分屍等等嘅血腥畫面(我男友都唔係講左好多俾我知，佢話有好多係未見過嘅野，唔知點講)，但係佢地用嘅工具係未見過的，類人型生物嘅血係好似泥漿咁嘅同身體入面有個好似蛋嘅野，裡面有7樣類似內臟嘅物體。
最後1幅圖係1個藍色嘅球體壓縮到一點然後爆炸，再由D碎石組成1個新嘅球體
成個過程有2個類人生物企係後面睇住
呢段寫得好亂，唔好意思...
成件事到而家大約就係咁
我想問下大家有冇人見過呢個月亮(忘了說，我另外有朋友當日下午已經見到個月亮，不過冇紅線，佢形容係一個特別大，好鬼異嘅月亮，之後就病左)
或者有冇人知個月亮咁樣係唔係天文現象
再黎就係有冇人呢幾日發過類似嘅夢
或者有冇人知道D咩
再一次聲明以上全為事實，如有阻礙大家/浪費大家嘅時間，請見諒...
之後嘅事同資料我會回覆喺樓下，因為一個貼寫唔到咁多，有字數限制…大家有咩諗法都可以講出黎，甚至話我地白痴，作野都得，我地只係想有個答案，我地都希望係自己諗多咗，因為呢件事已經影響到現實啦
佢地個樣其實同人類好似，不過佢身高大約係我地嘅四分之三，關節可以360度轉，手背有類似監欖形嘅膜，背脊「雞亦」位分別有一條六角柱體，長度大約係駁頭上少少到「雞亦」位舊骨底部，隻腳冇腳止，腳底有觸蘇，觸蘇上面有倒勾，平時唔用可以纏喺腳度，額頭有灰白色六角形印記，冇耳朵同眉毛，眉毛位有疑似紋身嘅野，膚色係近似奶白色嘅顏色，髮色全部一致，只有深淺之分（至於顏色就唔講住，因為軒涉到另一個範疇嘅野，三言兩語講唔曬），其他就同人類冇咩分別
新進展... 到左而家已經係第7日啦
發夢發左4晚(星期二至五，琴晚終於冇發夢啦，應該話佢冇瞓
但係佢話感覺上件事仲未完，琴晚只係「放假」
呢幾日我男友已經開始有D時間錯亂，佢好堅持發左5晚夢(多左1晚)
同埋個樣殘左好多，佢D同事話佢個黑眼圈好大，好似連續幾晚冇瞓咁
我都好擔心佢，雖然佢話自己冇野...
先講一下呢幾日現實生活嘅特別野
我男友係一個夜鬼黎，平時冇十一二點都唔會瞓果種
但係呢幾晚一到十點半就會突然好眼瞓，無法抗拒咁...(我成日話好似俾人召喚咁...笑)
琴日朝早我起身返工，見佢又跟住起身就同佢講佢未夠鍾，可以瞓多陣
跟住佢話去廁所，之後又喺講左句唔知咩野(D音好奇怪，聽唔明)
我以為聽唔清楚，就叫佢講多次，佢又冇反應(可能只係未瞓醒啦)
有趣嘅係，我之後問返佢，佢記得有去過廁所，有答我係去廁所，但係唔記得有講過句咁嘅野...
同埋唔知大家呢幾日有冇見到個月亮呢?
自重件事發生之後，我地晚晚都搵個月亮，但係咁多日都見唔到(可能係天氣關係啦)
至於發夢方面，
第一日係學校
第二同第三晚係睇片
第四晚係親歷其境，佢而家好似做左背後靈咁，跟住果種類人形生物嘅首領，睇佢嘅一生
同埋終於知道佢地果個種族叫咩，不過因為始終唔係地球嘅發音，我地又唔想是但作一個名俾佢地(呢個係專重問題)，所以暫時唔寫上黎(我地搵緊最好嘅譯音)...
另外，徵求義務畫家(呢個係男友嘅意思)
因為之前都講過，第二三晚嘅夢基本上都係畫面，而佢地嘅野基本上地球都係冇嘅
所以好難用文字形容出黎(用文字最多就係搵類似嘅野寫，但係始終唔係果樣野...)
所以想搵人幫我地將果D畫面畫出黎......(我同佢嘅畫功實在太差...)
| 
